Lirik Lagu Naseb Peujuang,- Imum John

Lirik Lagu Naseb Peujuang,- Imum John

Naseb Peujuang

Penyanyi : Imum John

Allahu-Allah Allahu Rabbun
Rahmat neupeutron keukamoe dumna
Didalam seueh prang kamoe peutheun droe
Bak bela Nanggroe mita mulia

Meukrie keuh naseb kamoe peujuang
Susah ngon seunang saban meurasa
Keu bubong langet keu binteh rimba
Keu tika tanoh keu rumoh donya

Tuboh hujeuen rhah mata uroe tot
Angen peubapot kamoe lam rimba
Meujan kadang deuek meu uroe-uroe
Meugulam beusoe lam rimba raya

Kamoe tem mate meutem susah droe
Kon keuh keu kamoe nyang tueng bahgia
Tapi keu bangsa Atjeh lhee sagoe
Ateuh bumoe droe kasep ji hina

Ie krueng jeureuneg jile lam Nanggroe
Keu ie di kamoe watee uroe kha
Gunong nyang manyang nyang na lam Nanggroe
Keu seueh prang kamoe peubibeueh bangsa

Oh malam jula angen pih jipot
Ie mata kamoe rhot ingat keu bangsa
Kadang teu ingat roh meuceumarot
Keu ie hana got seupah ta'eun ba

Meunan keuh naseb kamoe peujuang
Bangsa lon sayang peuyum le gata
Nyang kamo lakee damee peutimang
Bungkoh lam reugam bek salah buka


Lirik Lagu Naseb Peujuang,- Imum John